Raiffeisen Breil

Las localitads dalla Raiffeisen a Breil eran memia pintgas, aschia che la Raiffeisen ha stuiu bardigliar. Ell’anteriura posta da Breil ha la banca anflau siu niev dacasa.

Las localitads dall’anteriura posta corrispundevan denton buc allas pretensiuns dalla banca, aschia ch’ei ha duvrau grondas midadas. Igl ei vegniu creau in niev concept per ina nova cumparsa dalla banca. Leutier eis ei era stau ina sfida da planisar e realisar il project suenter las directivas strictas da segirtad dalla banca.